KILA-LMS
5 പഠനക്രമങ്ങള്‍
കേരളത്തിലെ ഖരമാലിന്യ സംസ്കരണ സംവിധാനങ്ങള്‍- Massive Open Online Course (MOOC)
കേരളത്തിലെ മാലിന്യ സംസ്കരണ പ്രവര്‍ത്തനങ്ങള്‍ വ്യത്യസ്ഥാമായ പല സാധ്യതകളും അവസരങ്ങളും ആണ് നമ്മുടെ മുന്‍പില്‍ കാഴ്ച വെക്കുന്നത്. നാടിനെ സുന്ദരമാക്കുന്നതിനോടൊപ്പം വികേന്ദ്രീകൃത മാലിന്യ സംസ്കരണത്തിലൂടെ പുനച്ചംക്രണ യോഗ്യമായ വിഭവങ്ങളെ കൃത്യമായി തരം തിരിച്ച് മൂല്യമുള്ള വസ്തുക്കള്‍ ആയി മാറ്റാന്‍ ഉള്ള ഉദ്യമത്തില്‍ ആണ് കേരളത്തിലെ തദ്ദേശ സ്വയംഭരണ സ്ഥാപനങ്ങളും ഹരിത കര്‍മ്മ സേനകളും അവരെ സഹായിക്കുന്ന സര്‍ക്കാരിന്റെ വിവധ ഏജന്‍സികളും. ഈ ഉദ്യമത്തില്‍ ഏറ്റവും വലിയ ഒരു പങ്ക് കേരളത്തിലെ ജനങ്ങള്‍ക്കും ഉണ്ട്. അത് മാലിന്യ സംസ്കരണ പ്രവര്‍ത്തനങ്ങള്‍ സ്വന്തം ദൈനംദിന ജീവിതത്തില്‍ ഏറ്റെടുക്കുവാന്‍ മാത്രമല്ല, കേരളത്തെ മാലിന്യ മുക്തം ആക്കുന്ന പ്രയത്നത്തില്‍ ഒത്തുചേരുവാന്‍ വേണ്ടിയും കൂടിയാണ്.
കേരളത്തിലെ മാലിന്യ സംസ്കരണ സംവിധാനങ്ങളെ കേന്ദ്രീകരിച്ചുള്ള ഈ കോഴ്സില്‍ പങ്കെടുക്കുന്നവര്‍ക്ക് തദ്ദേശ സ്വയംഭരണ സ്ഥാപനതലത്തില്‍ മാലിന്യ സംസ്കരണവുമായി ബന്ധപ്പെട്ട് നടത്തുന്ന പരിപാടികളില്‍ കൂടുതല്‍ കാര്യക്ഷമമായി ഇടപെടാന്‍ സാധിക്കും. കൂടാതെ ശാസ്ത്രീയമായ മാലിന്യ സംസ്കരണ പ്രവര്‍ത്തനങ്ങള്‍ എങ്ങനെ ചെയ്യാം എന്നും, മാലിന്യം കൈകാര്യം ചെയ്യുമ്പോള്‍ ചെയ്യരുതാത്ത പ്രവര്‍ത്തനങ്ങള്‍ എന്തെല്ലാം ആണെന്നും, അവ ചെയ്‌താല്‍ നടപടി എന്തായിരിക്കും എന്നും പഠിക്കാം. ഈ രീതിയില്‍ മാലിന്യ സംസ്കരണത്തെ കുറിച്ചുള്ള അടിസ്ഥാനപരമായ വിഷയങ്ങള്‍ തല്‍പ്പരരായ കൂടുതല്‍ ആളുകളിലേക്കെത്തിക്കുവാന്‍ ഉദ്ദേശിച്ചാണ് ഈ കോഴ്സ്.
വികേന്ദ്രീകൃത മാലിന്യ സംസ്കരണം-സംയോജിത ഇടപെടല്‍ - കാൻ ആലപ്പിയിൽ നിന്നുള്ള പാഠങ്ങള്‍
ജനപ്രതിനിധികള്‍ക്കും,ആരോഗ്യ
പ്രവര്‍ത്തകര്‍ക്കും
,പൊതുജനങ്ങൾക്കുമായി
“വികേന്ദ്രീകൃത
മാലിന്യ സംസ്കരണം-സംയോജിത
ഇടപെടല്‍ -
കാൻ
ആലപ്പിയിൽ നിന്നുള്ള
പാഠങ്ങള്‍”എന്ന
വിഷയത്തിൽ 2020
നവംബർ
13
മുതൽ
ആരംഭിക്കുന്ന 30 ദിവസത്തെ
ഓൺലൈൻ പരിശീലനം
അജൈവ പാഴ്വസ്തുക്കളുടെ പരിപാലനം - തരംതിരിക്കലും മൂല്യ വര്‍ദ്ധനവും-ഹരിത കര്‍മ്മ സേനാംഗങ്ങള്‍ക്കുളള പരിശീലനം
ഹരിത കര്‍മ്മ സേനാംഗങ്ങള്‍ക്ക് അജൈവ പാഴ്വസ്തുക്കളെ കൂടുതൽ വരുമാനം ലഭിക്കത്തക്ക രീതിയിൽ തരംതിരിക്കാൻ കഴിയുകയും, കൊവിഡ് -19 സുരക്ഷാ മാനദണ്ഡങ്ങൾ പാലിച്ചുകൊണ്ട് എങ്ങനെ മാലിന്യ ശേഖരണവും പരിപാലനവും നടത്താം എന്ന ലക്ഷ്യത്തോടെ ലളിതമായി തയ്യാറാക്കിയിരിക്കുന്ന പരിശീലനപരിപാടി
അജൈവ പാഴ്വസ്തുക്കളുടെ പരിപാലനം - തരംതിരിക്കലും മൂല്യ വര്‍ദ്ധനവും-ഹരിത കര്‍മ്മ സേനാംഗങ്ങള്‍ക്കുളള പരിശീലനം(പരിശീലകർക്കുള്ള പരിശീലനം)
ഹരിത കേരളം മിഷന്‍ - ശുചിത്വ മാലിന്യ സംസ്ക്കരണ ഉപമിഷന്റെ ഭാഗമായി ശുചിത്വ മിഷന്റെ നേതൃത്വത്തില്‍ കേരളത്തിലെ എല്ലാ തദ്ദേശ സ്വയം ഭരണ സ്ഥാപനങ്ങളിലും അജൈവ പാഴ് വസ്തു ശേഖരണത്തിനും, ജൈവ മാലിന്യ പരിപാലനത്തിനുമായി ഹരിതകര്‍മ്മസേന രൂപീകരിച്ച് പ്രവര്‍ത്തിച്ച് വരുന്നുണ്ട്. പാഴ് വസ്തുക്കളുടെ സംഭരണം, തരംതിരിക്കല്‍, ശാസ്ത്രീയ പരിപാലനം എന്നിവയ്ക്കായി മിനി എം.സി.എഫ്, എം.സി.എഫ്, ആര്‍.ആര്‍.എഫ്കള്‍ എന്നിവയും സ്ഥാപിച്ച് പ്രവര്‍ത്തിപ്പിച്ച് വരുന്നുണ്ട്. ആയതിന്റെ അടിസ്ഥാനത്തില്‍ മാലിന്യം പരമാവധി തരംതിരിച്ച് സംഭരിച്ച് മൂല്യ വര്‍ദ്ധിത ഉല്‍പന്നങ്ങളാക്കി മാറ്റുന്നതിന് ഹരിത കര്‍മ്മ സേനാംഗങ്ങളില്‍ വൈദഗ്ധ്യം സൃഷ്ടിക്കുന്നതിനും കോവിഡ് കാലത്തെ സുരക്ഷിത മാലിന്യ ശേഖരണവും സംഭരണവും മുന്‍നിര്‍ത്തിയാണ് ഇപ്പോള്‍ ഏകദിന പരിശീലന പരിപാടി സംഘടിപ്പിക്കുന്നത്.
സംയോജിതകൃഷി സംരംഭകത്വം - ഓൺലൈൻ സർട്ടിഫിക്കറ്റ് കോഴ്സ്
കൊവിഡിനു ശേഷം കേരളം നേരിടാവുന്ന പ്രശ്നങ്ങളില്‍ ഒന്നായി ഭക്ഷ്യ സുരക്ഷയെ സംസ്ഥാന സര്‍ക്കാര്‍ കണക്കാക്കുന്നുണ്ട്. അത് കൂടി പരിഗണിച്ചാണ് 'സുഭിക്ഷ കേരളം' പദ്ധതിക്ക് തുടക്കം കുറിച്ചത്. ഒപ്പം സമൂഹം നേരിടുന്ന പരിസ്ഥിതി പ്രശ്നങ്ങളും, കൃത്രിമ വളം, കീടനാശിനി പ്രയോഗങ്ങളിലൂടെ ഉല്പാദിപിക്കുന്ന വസ്തുക്കളുടെ ഉപഭോഗം വഴിയുള്ള ആരോഗ്യരംഗത്തെ അപകടകരമായ അവസ്ഥയും, നമ്മളെ സംയോജിതവും , പ്രകൃതി സന്തുലിതവുമായ കൃഷിരീതികളിലേക്കും ഉൽപന്നങ്ങളിലേക്കും നിർബന്ധിക്കുകയാണ്. ഇത് ഒരു സാമൂഹ്യപ്രതിബദ്ധതയുള്ള സംരംഭക പ്രവർത്തനത്തിന് സാധ്യതയും അംഗീകാരവും ഉണ്ടാക്കിയിട്ടുണ്ട്. സർക്കാർ തലത്തിലും നിരവധി സഹായങ്ങളും പ്രോത്സാഹനങ്ങളും ഈ മേഖലയിലെ സംരംഭകർക്കു നൽകുന്നുണ്ട്.
KILA-LMS