ഈ പരിശീലനം ലക്ഷ്യമാക്കുന്നത് ഗ്രാമ പഞ്ചായത്തുകളിലെ ക്ലർക്ക് / സീനിയർ ക്ലർക്ക് തസ്തികകളിൽ ജോലി ചെയ്യുന്ന ജീവനക്കാർക്ക് അവർ കൈകാര്യം ചെയ്യേണ്ടതായി വരുന്ന വൈവിധ്യമാർന്ന പ്രവർത്തനങ്ങളെയും വിഷയങ്ങളെയും നിയമങ്ങളെയും സംബന്ധിച്ച് പരിചയപ്പെടുത്തുക എന്നതും, ജീവനക്കാരിൽ പഞ്ചായത്തിലെ പ്രവർത്തനങ്ങളിൽ സഹായകമാവും വിധം മൃദുവൈദഗ്ദ്ധ്യ വികസനം (Soft Skill development) സാധ്യമാക്കുക എന്നതുമാണ്.

ഗ്രാമപഞ്ചായത്തുകളിലും പഞ്ചായത്ത് വകുപ്പുകളിലെ മറ്റ് ഓഫീസുകളിലും സേവനമനുഷ്ഠിക്കുന്ന ക്ലർക്ക്, സീനിയർ ക്ലർക്ക് തസ്തികയിലുള്ളവർ, കൂടാതെ ഈ പരിശീലനം പ്രയോജനപ്പെടുത്തുവാനാഗ്രഹിക്കുന്ന സൂപ്പർവൈസറി, സെക്രട്ടറി തലത്തിലുള്ളവർ, പഞ്ചായത്ത് ഓഫീസിലെ വിവിധ പ്രവർത്തനമേഖലകളെപറ്റി കൂടുതലായി അറിയാനാഗ്രഹിക്കുന്ന ജനപ്രതിനിധികൾ, പൊതു/സന്നദ്ധപ്രവർത്തകർ എന്നിവർക്കും കോഴ്സിൽ എൻറോൾ ചെയ്യാവുന്നതാണ്.